Թրամփ․ ԱՄՆ-ը չի կարող համաշխարհային ոստիկան մնալ

ԱՄՆ-ը չի կարող հետագայում եւս համաշխարհային ոստիկան մնալ։ Այս մասին Իրաք չհայտարարված այցի ընթացքում լրագրողներին ասել է ԱՄՆ նախագահ Դոնալդ Թրամփը։

«Դա ազնիվ չէ, որ այդ բեռն ամբողջությամբ մեզ վրա է»,- ասել է նա։

Թրամփը պարզաբանել է, որ չի ուզում ուրիշ երկրներն իրենց պաշտպանության համար օգտվեն ԱՄՆ զինվորականներից, եթե չեն վճարելու պաշտպանության համար։

«Մենք սփռված ենք աշխարհով մեկ։ Մենք գտնվում ենք այնպիսի երկրներում, որոնց մասին մարդկանց մեծ մասը նույնիսկ չի լսել»,- հավելել է Թրամփը՝ տեղեկացնում է ՌԻԱ Նովոստին։