Հարցում. Ամերիկացիները Թրամփին ստախոս են համարում

Ամերիկացիները գնալով ավելի քիչ են հավատում իրենց նախագահ Դոնալդ Թրամփին: Այդ մասին են վկայում NBC հեռուստաալիքի և The Wall Street Journal թերթի անցկացրած հարցման արդյունքները:

Տվյալների համաձայն` ամերիկացիների 62 տոկոսը կարծում է, որ Թրամփը ստում է 2016-ի ընտրություններին ռուսական միջամտության վերաբերյալ: Նշենք, որ օգոստոսին այդ կարծիքին էր հարցվածների 52 տոկոսը:

Ընդհանուր առմամբ, Թրամփին իր աջակցությունն է հայտնել հարցվածների 43 տոկոսը: Ամերիկացիների 38 տոկոսը պատրաստ է քվեարկել նրա օգտին, եթե նա երկրորդ ժամկետով առաջադրվի: