Ղազախստանն ու Ադրբեջանը կարող են դառնալ տարանցիկ խաբ` Եվրոպայի ու Ասիայի միջև. դեսպան

Բաքվի միջազգային առևտրային նավահանգստի արդիականացումը թույլ կտա ավելացնել Ադրբեջանի ու Ղազախստանի միջև տարանցման ծավալը: Այդ մասին հայտարարել է Ադրբեջանում Ղազախստանի դեսպան Բեյբիթ Իսաբաևը:

Նա նշել է, որ Բաքու-Թբիլիսի-Կարս երկաթգծի շահագործումը մեծացրեց Ադրբեջան-Ղազախստան տարանցիկ-տրանսպորտային միջանցքի հզորությունը: Դեսպանը հավելել է, որ Ղազախստանն ու Ադրբեջանը կարող են դառնալ տարանցիկ խաբ`Եվրոպայի ու Ասիայի միջև: