«Ռենկո»-ի ուրվական ջերմաէլեկտրակայանը. երկու վարչապետի խոստացվել, սակայն չի կառուցվել

Նոյեմբերի 13-ին ստորագրվեց Երևան քաղաքի տարածքում 250 մեգավատտ հզորությամբ գազային վառելիքով կոմբինացված ցիկլով էլեկտրակայան կառուցելու վերաբերյալ «Փոփոխված և վերաշարադրված շրջանակային համաձայնագիրը» և «Փոփոխված և վերաշարադրված շրջանակային համաձայնագրին» հավելյալ համաձայնագիրը: Այս մասին հայտնում են կառավարության մամուլի ծառայությունից:

Համաձայնագրերը ստորագրեցին ՀՀ էներգետիկ ենթակառուցվածքների ու բնական պաշարների նախարարի պաշտոնակատար Գարեգին Բաղրամյանը, Ռենկո ընկերության գլխավոր գործադիր տնօրեն Ջովաննի Ռուբինին և Արմփաուեր ընկերության գլխավոր գործադիր տնօրեն Քրիստիան Կուկուռակին։ Ստորագրման արարողությանը ներկա էր նաև ՀՀ փոխվարչապետի պաշտոնակատար Տիգրան Ավինյանը։

Ստորագրման արարողությանը հաջորդեց մամուլի ասուլիս:

250 մլն ԱՄՆ դոլար արժողությամբ այս ներդրումային ծրագրում ներգրավված են իտալական Ռենկո, իտալական պետական Սիմեստ ու գերմանական Սիմենս ընկերությունները։ Ջերմաէլեկտրակայանը կկառուցվի 26 ամսվա ընթացքում ու այլ ջերմաէլեկտրակայանների համեմատ էլէներգիայի արժեքը կլինի ամենացածրը՝ 27,4 դրամ 1 կիլովատտ/ժամի համար։ Նոր ՋԷԿ-ի շինարարության մեջ կներգրավվի 1000-1200 մարդ, շահագործման ժամանակ կստեղծվի 230 աշխատատեղ։ Կայանի կառուցումը նախատեսվում է սկսել ֆինանսական ամփոփումից հետո:

Նշենք, որ երմաէլեկտրակայանի կառուցման ծրագիրն արդեն տարիներ շարունակ քննարկվում էր կառավարության մակարդակով, քանիցս նույն «Ռենկո» ընկերությունը խոստացել է այն կառուցել, սակայն մինչ օրս որեւէ տեղաշարջ այդ ուղղությամբ չի գրանցվել:

«Ռենկո»-ն 2015 թ-ին այդ ժամանկվա վարչապետ Հովիկ Աբրահամյանին էր խոստացելՋԷԿ-ը կառուցել, 2017-ին՝ Կարեն Կարապետյանին, հիմա էլ ներկայիս կառավարությանը։