Մոսկվայում հանդիպել են Էդուարդ Շարմազանովը և Սերգեյ Նևերովը

ՀՀ ԱԺ փոխնախագահ Էդուարդ Շարմազանովը Մոսկվայում ՀԱՊԿ ԽՎ խորհրդի նիստի շրջանակում հոկտեմբերի 30-ին հանդիպել է ՌԴ ԴԺ Պետական դումայի «Եդինայա Ռոսիա» կուսակցության խմբակցության ղեկավար Սերգեյ Նևերովի հետ: Այս մասին տեղեկացնում է ՀՀ ԱԺ մամուլի ծառայությունը:

Հանդիպման ընթացքում կողմերը քննարկել են հայ-ռուսական խորհրդարանական հարաբերությունների զարգացմանն առնչվող հարցեր, անդրադարձ է կատարվել խորհրդարանական պատվիրակությունների սերտ համագործակցությանը ՀԱՊԿ, ԱՊՀ և ԵԱՀԿ ԽՎ-ներում, ինչպես նաև փոխգործակցությանը միջխորհրդարանական խմբակցությունների մակարդակով:

Էդուարդ Շարմազանովը և Սերգեյ Նևերովը, անդրադառնալով կուսակցությունների փոխգործակցությանը, այդ թվում նաև կարևորել են ՀՀԿ-ի և «Եդինայա Ռոսիա» կուսակցության միջև խորհրդարանական և կուսակցական կապերի զարգացումն ու ամրապնդումը՝ հավաստիացնելով, որ պատրաստ են ջանքեր գործադրել այդ ուղղությամբ: