28.03.2024
Հայաստանը 21-րդ դարում ապրող երկրի օրինակ է. Արմեն Սարգսյան
prev Նախորդ նորություն

Նորություններ գործընկերներից

«Ծառուկյան» դաշինքի ցուցակը պետք է գլխավորի Գագիկ Ծառուկյանը. պատգամավոր

«Ծառուկյան» խմբակցության ներկայացուցիչները խուսափում են կոնկրետ պատասխաններ տալ արտահերթ խորհրդարանական ընտրություններին իրենց մասնակցության ձևաչափի մասին: Այս պահին, սակայն, կարծես հստակ է, որ հերթական անգամ ցուցակը կգլխավորի օլիգարխ Գագիկ Ծառուկյանը: 


Խորհրդարանական ճեպազրույցների ժամանակ «Ծառուկյան» խմբակցության քարտուղար Վահե Էնֆիաջյանն այսօր հայտարարեց, որ Ծառուկյանի շուրջ համախմբված քաղաքական թիմը հենց վերջինիս է տեսնում ցուցակի առաջնորդողի դերում: Միևնույն ժամանակ, մեկնաբանելով Գագիկ Ծառուկյանի այն հայտարարությունը, որ նախընտրական ցուցակն այս անգամ լուրջ փոփոխություններ կկրի, Էնֆիաջյանն ասաց, որ բոլոր որոշումները կայացվելու են քաղխորհրդի կողմից: 


Ինչ վերաբերում է խոսակցություններին, որ հնարավոր է ինքը, Նաիրա Զոհրաբյանը և Միքայել Մելքումյանը ցուցակում չլինեն, Էնֆիաջյանն ասաց.


«Մեզ համար որևէ գործողություն ինքնանպատակ չէ: Մեր քաղաքական թիմն ու քաղաքական խորհուրդը կորոշի և այդ որոշումը մեզ համար ընդունելի կլինի», - ասաց Էնֆիաջյանը:


Պատգամավորը նաև կրկնեց՝  իրենց ամբողջ քաղաքական թիմը համարում է, որ կուսակցության ցուցակը պետք է առաջնորդի անձամբ Գագիկ Ծառուկյանը:


Եվս մեկ խուսափողական պատասխան հնչեց այն հարցին, թե ո՞ր տեղն է ակնկալում զբաղեցնել «Ծառուկյան» դաշինքը առաջիկա ընտրություններին.


«Փորձելու ենք առավելագույնս ներգրավվածություն ունենալ մեր երկրի քաղաքական կյանքին, քանի որ գտնում ենք, որ մեր քաղաքական թիմն ի զորու է երկրում ծանրացած բազմաթիվ խնդիրներին լուծում տալ»։

Մանվել Գրիգորյանը 10.5 մլն դոլար արժողությամբ տարածք է նվիրաբերում պետությանը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար