Հասանովը կուսումնասիրի Չեխիայի ռազմական ներուժը

Ադրբեջանի պաշտպանության նախարար Զաքիր Հասանովը այսօր քառօրյա այցով ժամանում է Չեխիա:

Ըստ պաշտոնական հաղորդագրության, Հասանովը հանդիպումներ է ունենալու այդ երկրի իշխանությունների, այդ թվում՝ իր չեխ պաշտոնակից Լյուբոմիր Մետնարին, ինչպես նաև Չեխիայի ռազմարդյունաբերական համալիրի ղեկավարների հետ:

Կողմերը քննարկելու են ռազմական ասպարեզում Ադրբեջանի և Չեխիայի համագործակցության հեռանկարը: Այլ մանրամասներ չեն հաղորդվում։ Հայտնի չէ նաև, թե արդյոք Բաքուն պատրաստվում է նոր զինատեսակներ ձեռք բերել Չեխիայից։