ՆԱՏՕ-ի նավերը մոտեցել են Սիրիային

ՆԱՏՕ-ի երկրորդ մշտական ռազմածովային խմբի ռազմական նավերն այժմ պարեկություն են իրականացնում Միջերկրական ծովի արևելյան հատվածում: Այդ մասին հայտնում է Интерфакс-ը:


Նշվում է, որ Սիրիայի անմիջական մոտակայքում են այժմ գտնվում Նիդեռլանդների ռազմածովային ուժերի «Դե Ռեյտեր» հածանավը, Կանադայի ռազմածովային ուժերի «Վիլ դե Քվեբեկ» հածանավը և Հունաստանի ռազմածովային ուժերի «Էլի» հածանավը:


Հիշեցնենք, որ այժմ Միջերկրական ծովի արևելյան հատվածում են գտնվում ԱՄՆ ռազմածովային ուժերի էսկադրային ականակիրներ «Քարնի», «Ռոս» և «Ուինսթոն Չերչիլ» նավերը, որոնք զինված են «Տոմահավկ» թևավոր հրթիռներով, ինչպես նաև 6-րդ օպերատիվ նավատորմի առաջատար «Մաունթ Ուիթնի» նավը:


Միջերկրական ծովում են գտնվում նաև առնվազն երեք «Լոս Անջելես» դասի ամերիկյան հարվածային միջուկային սուզանավ:

Տպել

Թեմայի այլ նորություններ
Загрузка...