Սոբյանինը հաղթում է Մոսկվայի քաղաքապետի ընտրություններում

Մոսկվայի գործող քաղաքապետ Սերգեյ Սոբյանինը տեղամասային ընտրական հանձնաժողովներից ստացված 99 տոկոս արձանագրությունների տվյալների ամփոփումից հետո հավաքում է ընտրողների ձայների 70,02 տոկոսը: Այս մասին հայտնել է Մոսկվայի քաղաքային ընտրական հանձնաժողովը:

Գերատեսչության տվյալով՝ Սոբյանինի օգտին քվեարկել են 1,5 միլիոնից ավելի քաղաքացի:

Երկրորդ տեղը զբաղեցնում է ՌԴ կոմկուսից քաղաքագլխի թեկնածու Վադիմ Կումինը, որի օգտին քվեարկել է ընտրողների 11,44 տոկոսը, երրորդ տեղում «Արդար Ռուսաստան»-ից թեկնածու Իլյա Սվիրիդովն է՝ 6,76 տոկոս ձայներով: Սեպտեմբերի 9-ին կայացած ընտրություններին մասնակցությունը կազմել է 30,36 տոկոս։