Նաիրա Զոհրաբյանը՝ Երևանի քաղաքապետի թեկնածու

Ինչպես և ակնկալվում էր՝ ԱԺ «Ծառուկյան» խմբակցության պատգամավոր, ԲՀԿ քաղաքական խորհրդի քարտուղար Նաիրա Զոհրաբյանը կգլխավորի ԲՀԿ Երևանի ավագանու նախընտրական ցուցակը։

Այս մասին հայտարարել է կուսակցության խոսնակ Վանիկ Էլիզբարյանը:

Եռյակում կլինեն ԲՀԿ քաղաքական խորհրդի անդամներ Պետրոս Ղազարյանը և Արման Աբովյանը:

Հիշեցնենք, ավելի վաղ Քաղաքացիական պայմանագիր կուսակցությունը հայտարարեց, որ դերասան Հայկ Մարությանը կգլխավորի կուսակցության ցուցակը Երևանի ավագանու ընտրություններում: