ԱԺ 38 պատգամավոր երաշխավորություն է հայտնել Ռոբերտ Քոչարյանի կալանքը փոխելու համար

Ազգային ժողովի 38 պատգամավոր անձնական երաշխավորություն է հայտնել՝ Ռոբերտ Քոչարյանի կալանքը փոխելու համար: Այս մասին հայտնել է երկրորդ նախագահի գրասենյակի ղեկավար Վիկտոր Սողոմոնյանը։

Նրա խոսքով՝ ցուցակը դեռ վերջնական չէ, ստորագրահավաքը շարունակվում է:

«Ստորագրահավաքին մասնակցել են պատգամավորներ տարբեր խմբակցություններից: Հետագայում ցուցակը կհրապարակեմ, այն գաղտնի ցուցակ չէ, ուղղակի դեռ ընթացքի մեջ է ստորագրահավաքը, ես կարծում եմ մի քանի անուն էլ է ավելանալու», - ասաց Սողոմոնյանը, հայտնում է «Արմենպրես»-ը։

ԱԺ նախագահ Արա Բաբլոյանը և երկու փոխխոսնակները՝ Արփինե Հովհաննիսյանն ու Էդուարդ Շարմազանովը ևս ստորագրել են ձևաթղթի տակ:

Քոչարյանի կալանավորման որոշման դեմ բողոքը Վերաքննիչ դատարան կներկայացվի այսօր օգոստոսի 1-ին՝ օրվա ընթացքում: