Ոչ ոք չի կարող ինչ-որ բան թելադրել Թուրքիային. Չավուշօղլուն՝ Թրամփի սպառնալիքների մասին

Թուրքիայի արտաքին գործերի նախարար Մևլյութ Չավուշօղլուն արձագանքել է Միացյալ Նահանգների նախագահ Դոնալդ Թրամփի հնչեցրած սպառնալիքներին, ըստ որոնց՝ ԱՄՆ-ը տնտեսական պատժամիջոցներ կկիրառի Թուրքիայի դեմ, եթե շուրջ երկու տարի թուրքական բանտում կալանավորված ամերիկացի Էնդրյու Բրանսոնն անհապաղ ազատ չաձակվի։

Twitter-ի իր պաշտոնական էջում Չավուշօղլուն շեշտել է, որ Թուրքիան չի պատրաստվում սպառնալիքների հաշվին տոլեռանտություն դրսևորել։ «Ոչ ոք չի կարող ինչ-որ բան թելադրել Թուրքիային։ Մենք սպառնալիքներով տոլեռանտություն չենք դրսևորի։ Օրենքի դիմաց բոլորը հավասար են», - գրել է Թուրքիայի ԱԳ ղեկավարը։

Թրամփը, խոսելով Բրանսոնի բանտարկության մասին, կոչ էր արել Թուրքիային անհապաղ ազատ արձակել ամերիկացի հոգևորականին։