Մնացականյանն՝ ի տարբերություն Նալբանդյանի, առավել պրոֆեսիոնալ դիվանագետ է. Մամեդյարով

ՀՀ ԱԳ նախարար Զոհրաբ Մնացականյանն՝ ի տարբերություն Էդվարդ Նալբանդյանի, առավել պրոֆեսիոնալ դիվանագետ է:

Այս մասին իր թուրք գործընկեր Մևլյութ Չավուշօղլուի հետ հանդիպումից հետո ասել է Ադրբեջանի արտաքին գործերի նախարար Էլմար Մամեդյարովը:

Մամեդյարովը նաև հայտնել է, որ Զոհրաբ Մնացականյանի հետ առաջին հանդիպման ժամանակ փորձել են լավ ճանաչել միմյանց:

Իսկ ինչ վերաբերում է Մնացականյանի և Նալբանդյանի տարբերությանը, Մամեդյարովն իր նոր գործընկերոջն առավել պրոֆեսիոնալ է անվանել:

Իր հերթին Թուրքիայի արտգործնախարար Մևլութ Չավուշօղլուն հայտնել է, որ Անկարան չի փոխել իր քաղաքականությունը Հայաստանի ու Ղարաբաղյան հակամարտության նկատմամբ: 

«ՆԱՏՕ-ի գագաթնաժողովի ժամանակ ես հանդիպեցի Զոհրաբ Մնացականյանի հետ: Ես ծանոթ եմ նրա հետ այն ժամանակից, երբ նա Եվրոպայի Խորհրդում Հայաստանի դեսպան էր: Շնորհավորեցի նրան ու Հայաստանի վարչապետ Փաշինյանին։

Մեր դիրքորոշումը հայտնի է, մենք չենք փոխել մեր դիրքորոշումը: Հայտնի է մեր դիրքորոշումը նաև Ղարաբաղի վերաբերյալ»,- ասել է Չավուշօղլուն: