29.03.2024
ԱՄՆ դեսպանը մասնակցել է հայ և թուրք տուրօպերատորների հանդիպմանը
prev Նախորդ նորություն

Նորություններ գործընկերներից

Էդուարդ Շարմազանով.Կուսակցությունների կողմից կա փոխըմբռնում սահմանադրական բարեփոխումների շուրջ խորհրդակցությունների մասին

Հայաստանի Հանրապետական կուսակցության Գործադիր մարմնի նիստի ընթացքում քննարկվել են ներքաղաքական խնդիրներ, որի հիմնական հարցը սպասվելիք սահմանադրական բարեփոխումների հանրաքվեն է: ՀՀԿ ԳՄ հերթական նիստից հետո լրագրողների հետ հանդիպմանը հայտարարեց Հանրապետական կուսակցության մամուլի խոսնակ, ԱԺ փոխնախագահ Էդուարդ Շարմազանովը:

«Կուսակցության նախագահը ներկայացրեց հանդիպումների ընթացքը տարբեր քաղաքական կուսակցությունների հետ: Հիմնականում կուսակցությունների կողմից կա փոխըմբռնում: Մայր օրենքը պետք է քննարկվի հենց այսպիսի մթնոլորտում՝ տարբեր քաղաքական կուսակցությունների կարծիքներն ու տեսակետները հաշվի առնելով»,-ասաց Էդուարդ Շարմազանովը:

Նրա խոսքով՝ միջանկյալ այս փուլում սահմանադրական բարեփոխումների նոր փաթեթը համընկնում է ժողովրդավարական երկրներում ընդունված նորմերին, և դա փաստեցին նաև Վենետիկի հանձնաժողովի ներկայացուցիչները:

Պատասխանելով հարցին, թե ինչպես են վերաբերում նրան, որ քաղաքական ուժերից ոմանք չեն մասնակցել Նախագահի հետ հանդիպմանը, Շարմազանովն ասաց. «Յուրաքանչյուր քաղաքական կուսակցություն ինքն է որոշում՝ մասնակցե՞լ քննարկումներին ու հանդիպումներին, թե ոչ: «Ժառանգության» դեպքում գիտենք, որ նրանց ղեկավարը քննարկումների ժամանակ դրական է խոսել բարեփոխումների վերաբերյալ: Այդ խմբակցությունից ոմանք արդեն այդ ուժը չեն ներկայացնում Իսկ ՀԱԿ-ը ինքն է իրեն գցել լուսանցք»:

ՀՀԿ խոսնակն ասաց նաև, թե սահմանադրական բարեփոխումների վերաբերյալ կլինեն հանդիպումներ թե՛ անկախ պատգամավորների, թե՛ քաղհասարակության ներկայացուցիչների հետ: Անդրադառնալով արդարադատության նախարարի թափուր պաշտոնին, Էդուարդ Շարմազանովն ասաց, թե կադրային որևէ հարց նիստի ընթացքում չի քննարկվել:
Ժողովրդագիր. Առաջիկա տասնամյակի ընթացքում Հայաստանում կնկատվի բնակչության ծերացում
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար