Իրանի պաշտպանության նախարարը Բաքու կմեկնի

Իրանի պաշտպանության նախարար, բրիգադի գեներալ Ամիր Խաթամին մտադիր է պաշտոնական այցով Ադրբեջան մեկնել` Բաքվի հետ համագործակցությունը հատկապես պաշտպանության ոլորտում բարելավելու նպատակով. հաղորդում է PressTV-ն:

Այցի շրջանակներում բանակցություններ են նախատեսվում Ադրբեջանի բարձրաստիճան քաղաքական եւ ռազմական պաշտոնյաների հետ երկկողմ հետաքրքրություն ներկայացնող հարցերի եւ ռազմական համագործակցության ամրապնդման հեռանկարների շուրջ, բանակցությունների օրակարգում են միջազգային եւ տարածաշրջանային զարգացումները: