ՀՀ քաղաքացիները Թբիլիսիում ոսկու կեղծ ձուլակտորներ են վաճառել

Թբիլիսիում ոստիկանությունը ձերբակալել է Հայաստանի երկու քաղաքացիների, որոնք մեղադրվում են Վրաստանի մայրաքաղաքում բարձր հարգի ոսկու տեսքով տարբեր մետաղներից բաղկացած ձուլակտորներ վաճառելու համար: Այս մասինգրում է Sputnik-Georgia-ն:

Վրաստանի ՆԳՆ տվյալների համաձայն, նրանք վաճառել են իրենց ապրանքը Թբիլիսիի երկաթուղային կայարանի մոտ գտնվող թանկարժեք իրերի շուկային հարակից հատվածում. 100 գրամանոց կեղծ ձուլակտորները վաճառվել են շուկայական գնով՝ 10 հազար լարիով (ավելի քան 4 հազար դոլար):

Որպես իրեղեն ապացույց՝ ոստիկանությունն առգրավել է մեկ ձուլակտոր:

Հարուցվել է քրեական գործ՝ «խարդախություն» հոդվածով: Այն նախատեսում է 4-9 տարվա ազատազրկում: