Չինաստանն ավելացնում է բեռների տեղափոխությունն Եվրոպա Ադրբեջանի տարածքով

Չինաստանի Սինցզյան–Ույգուրական ինքնավար շրջանի Ուրումչի քաղաքը սկսել է բեռներ արտահանել դեպի Եվրոպա` Ադրբեջանի տարածքով։

Նախօրեին ինժեներական և այլ ապրանքներ տեղափոխող գնացքը դուրս է եկել Ուրումչիից։Այն հասնելու է Ղազախստանի նավահանգիստ, ինչից հետո բեռները Բաքվի տարածքով տեղափոխվելու են դեպի Եվրոպա։

Բեռները Չինաստանից Եվրոպա են հասնելու ութ օրվա ընթացքում։ Այս տարի Ուրումչին նախատեսում է Եվրոպա տեղափոխել 1400 գնացք բեռ։