Վրաստանի նախկին նախագահ, Օդեսային նախկին նահանգապետ Միխեիլ Սահակաշվիլիին հունվարի 9-ին Ուկրաինայի դատախազությունում հարցաքննել են Կիեւանի Մայդանում 2014 թ-ի գնդակահարությունների գործով: Այս մասին հայտնել է հենց ինքը Սահակաշվիլին:
«Երեկ ես երկու ժամ անցկացրել եմ դատախազությունում Մայդանում գնդակահարության գործով հարցաքննությանը, քանի որ Բեռլուսկոնիի ընկերոջ իտալական հեռուստալիքը «փաստեր» էր ներկայացրել «վրաստանցի դիպուկահարների մասին» ու իբր ես նրանց հանձնարարել եմ կրակել մարդկանց վրա», - գրել է նա իր Facebook-ի էջում:
Նրա խոսքով, հունվարի 10-ին եւս եւրկու հարցաքննություն է նշանաված: Միեւնույն ժամանակ նշել է, որ քննիչներն իրենց շատ բարեհամբույր եւ արհեստավարժ են պահել: «Սակայն համակարգն ապարդյուն է աշխատում, քանի որ այս շրջանի երկու կարեւոր գործեր՝ Վիկտոր Յուշչենկոյի թունավորումը եւ Մայդանում գնդակահարությունները, չեն քննված եւ բացահայտված», - ասել է նա ու հավելել, որ Ուկրաինայում մինչ օրս կան մարդիկ, որոնց ձեռնտու չէ այդ գործերի անկողմնակալ քննությունը:
Ավելի վաղ հայտնի էր դարձել, որ Հայաստանում թաքնվող Վրաստանի երկու քաղաքացիներ, որ իրենց համարում են 2014 թ-ի ձմռանը Կիեւի Մյադանում տեղի ունեցած մասսայական ակցիաների վկա, հայտնել էին, որ այնտեղ գործել են վարձու դիպուկահարներ, որոնց խոստացել են աշխատանքի դիմաց վարձատրել 5 հազարական դոլարով: Այս մասին հայտարարել է Ուկրաինացի փաստաբան Ալեքսանդր Գորոշինսկին:
Ավելի վաղ իտալական «5-րդ ալիքը» վավերագրական ֆիլմ էր ցուցադրել, որում իտալացի լրագրողները հարցազրույց են վերցնում ոմն Կոբա Ներգաձեից, Զալոգի Կվարացխելիից եւ Ալեքսանդր Ռեւազիշվիլիից: Նրանք նշում էին, որ իրենց 2014 թ-ին որպես դիպուկահար Կիեւ էր ուղարկել Վրաստանի նախագահ Միխեիլ Սահակաշվիլին: Նրանց մեկը պնդում էր, որ Մայդանում հակամարտության սրման ժամանակ իրենց հրամայել են կրակել «Բերկուտի» աշխատակրենցրի ու ցուցարարների վրա, սակայն վրացական ջոկատը հրամանը դիտարկել է որպես սադրանք եւ կրակ չի բացել:
Հիշեցնենք, որ Մայդանում տեղի ունեցած արյունալի իրադարձությունների հետեւանքով շուրջ 100 մարդու սպանության համար ուկրիանական նոր իշխանությունները մեղադրում են նախկին նախագահ, այժմ ՌԴ տարածքում գտնվող Վիկտոր Յանուկովիչին եւ ՆԳՆ-ի «Բերկուտ» ջոկատին: «Բերկուտի» աշխատակիցներն ու Յանուկովիչը հերքում են իրենց վերագրվող մեղադրանքները: Ուկրաինայում պետական հեղաշրջումից հետո «Բերկուտ» հատուկ ջոկատը լուծարվել է:
