ԱՄՆ նախագահը պաշտոնավարման գրեթե մեկ երրորդը անցկացրել է գոլֆի դաշտերում

796

ԱՄՆ նախագահ Դոնալդ Թրամփը իր պաշտոնավարման 340 օրվա գրեթե մեկ երրորդը անց է կացրել իր կալվածքներում եւ գոլֆի ակումբներում, հաղորդում է The Hill թերթը:

Երբ ԱՄՆ վարչակազմի ղեկավարը դեկտեմբերի 22-ին ժամանել էր Փալմ Բիչ (Ֆլորիդա նահանգ), սկսվել էր նրա հանգստի 106-րդ օրը: Օվկիանոսի ափին գտնվող «Մար-ա-Լագո» կալվածքում, որը Թրամփը իր թվիթներում հաճախ «ձմեռային Սպիտակ տուն» է անվանում, նախագահական բազմանդամ ընտանիքը անց է կացնում սուրբծննդյան եւ ամանորյա տոները: Մայրաքաղաք Թրամփը նախատեսում է վերադառնալ միայն հունվարի 1-ին:

Թեեւ Թրամփը Փալմ Բիչ մեկնելուց առաջ լրագրողներին ասել էր, որ մտադիր է տոների ժամանակ «համառորեն աշխատել», այդ թվում նաեւ՝ ԿԺԴՀ-ի շուրջ իրավիճակի եւ Մերձավոր Արեւելքի խնդիրների հետ կապված, դեկտեմբերի 23-ին նա արդեն մի քանի ժամ շարունակ գոլֆ էր խաղում իրեն իսկ պատկանող ակումբում:

Սպիտակ տան ներկայիս ղեկավարը, ըստ անկախ դիտորդների, գոլֆի դաշտերում 81 օր է անցկացրել: Ինչը քաղաքական հակառակորդներին քննադատության համար առիթ է տալիս, շեշտում է պարբերականը:

Թերթը հիշեցրել է, որ անցյալ տարվա նախընտրական քարոզարշավի ժամանակ Թրամփը խոստացել էր, որ ընտրվելու դեպքում հազվադեպ կլքի Սպիտակ տունը, քանի որ «շատ աշխատանք կա»: «Ես չեմ դառնա այնպիսի նախագահ, որը արձակուրդ է գնում եւ հանգստյան օրեր վերցնում», - մեջբերել է The Hill-ը ԱՄՆ նախագահի խոսքերը:

Տպել

Թեմայի այլ նորություններ
Загрузка...