29.03.2024
ԱՄՆ նախագահը պաշտոնավարման գրեթե մեկ երրորդը անցկացրել է գոլֆի դաշտերում
prev Նախորդ նորություն

Նորություններ գործընկերներից

Վաշինգտոնում Էրդողանի թիկնապահների հետ հայերի, քրդերի վրա հարձակվածներն ընդունեցին մեղքը

2017-ի մայիսի 16-ին Թուրքիայի նախագահի Վաշինգտոն կատարած այցի ժամանակ թուրք դեսպանի տան առջեւ բողոքի ցույցի դուրս եկած հայերի, հույների, քրդերի վրա Էրդողանի թիկնապահների հետ հարձակված խմբի երկու անդամներն ընդունել են իրենց մեղքը, գրում է Եռագույնը:


Հարձակումներ եւ խոշտանգումներ կատարած Սինան Նարինը եւ Քյուփ Յըլդըրըմը, որոնք ԱՄՆ-ի Վիրջինա եւ Նյու Ջերսի նահանգների բնակիչներ են, մեղքն ընդունելուց հետո դատապարտվել են 1 տարվա ազատազրկման: Եթե հրաժարվեին իրենց մեղավոր ճանաչել, պատժաչափը կլիներ 15 տարի:


Ավելի վաղ հայտնի էր դարձել, որ ԱՄՆ-ում երկու մարդ է ձերբակալվել, որոնք մեղադրվում են մայիսի 16-ին Թուրքիայի նախագահի Վաշինգտոն այցի ժամանակ Թուրքիայի դեսպանի առանձնատան առջեւ խաղաղ ցուցարարների դեմ բռնություն կիրառելու համար:


Ընդհանուր առմամբ՝ մեղադրանքներ են առաջադրվել 19 մարդու, այդ թվում՝ թուրքական անվտանգության ծառայության 15 աշխատակցի:



Թուրքիայի արտաքին գործերի նախարարությունը հայտարարություն է տարածել եւ քննադատել նախագահ Ռեջեփ Թայիփ Էրդողանի թիկնապահների դեմ ԱՄՆ-ի դատախազության ներկայացրած մեղադրանքը:


Հայտարարության մեջ նշված է, որ «այդ մեղադրանքն անարդար է եւ կողմնապահ»: Պաշտոնական Անկարան համարել է, որ «մեղադրականը հրապարակելիս ԱՄՆ-ի դատաիրավական մարմինները հարցին քաղաքական մոտեցում են ցուցաբերել, եւ այս մեղադրանքը ԱՄՆ-ի որոշ քաղաքական շրջանակների՝ հարցին լարվածություն հաղորդելու ջանքերի արդյունքն է»:


Դատավարության սկզբում ձերբակալվածներն իրենց անմեղ էին հայտարարել:


Միջադեպի հետեւանքով նախագահ Թրամփի ադմինիստրացիան կասեցրել է Թուրքիայի նախագահ Ռեջեփ Թայիփ Էրդողանի անվտանգության աշխատակիցների համար 1.2 միլիոն դոլարի ամերիկյան արտադրության զենքի վաճառքի մասին թույլտվությունը:

Փորձագետ. ԱՄՆ–ն հակամարտություններ է ստեղծում ՌԴ–ի ու Չինաստանի մերձեցումը զսպելու համար
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար