Նոր վարկով ձեռք է բերվելու ռուսական սպառազինություն ՌԴ ԶՈՒ համար նախատեսված գներով. ՊՆ

Ռուսաստանի Դաշնության կողմից Հայաստանին տրամադրվող ﬕնչև 100 ﬕլիոն դոլարի պետական արտահանման վարկը առանձնահատուկ է նրանով, որ հնարավորություն կտա Հայաստանին ձեռք բերել ռուսական արտադրության ռազմական նշանակության որակյալ արտադրանք, սպառազինություն և ռազմական տեխնիկա այն գնով, որը նախատեսված է ՌԴ ազգային զինված ուժերի համար: Այս մասին ԱԺ-ում վարկային համաձայնագրի քննարկման ժամանակ հայտարարեց պաշտպանության փոխնախարար Արտակ Զաքարյանը:

Փոխնախարարը տեղեկացրեց, որ այս պահին նախաստորագրվել է երեք համաձայնագիր, որոնց ընդհանուր արժեքը գերազանցում է 100 մլն դոլարը: Բայց ռազմական նշանակության արտադրանքն ամբողջովին նոր է ու զգալիորեն կամրապնդի Հայաստանի զինված ուժերը:

Նշվեց նաև, որ վարկի փաստացի օգտագործված գումարը մարվելու է 5 տարվա ընթացում՝ սկսած 2023 թվականից: Այն տրամադրվում է 3 տոկոս տոկոսադրույքով: