Իրաքի նախագահը կարևորել է Քիրքուկում խաղաղ համակեցության անհրաժեշտությունը

Իրաքի նախագահ Ֆուադ Մաասումը Քիրքուքում հայտարարել է, որ այս քաղաքը Իրաքի փոքր նմուշն է, որ պատկանում է բոլոր էթնիկ խմբերին ու կրոններին, այդ թվում՝ քրդերին, արաբներին, թուրքմեններին, ասորիներին և քրիստոնյաներին»:

Ալ-Ալամ հեռուստատեսության փոխանցմամբ, Քիրքուքի նահանգապետի հետ մամլո համատեղ ասուլիսում Իրաքի նախագահը Քիրքուքի բոլոր էթնիկ խմբերին ու տարբեր կրոնների հետևորդներին կոչ է արել մոռանալ անցյալի դեպքերը և հարաբերությունները սկսել նոր էջից:

Ըստ այդ հաղորդման, նահանգի տարբեր խնդիրների առիթով, Ֆուադ Մաասումը զրույց-հանդիպում է ունեցել Քիրքուքի ռազմական ու անվտանգության ոլորտի հրամանատարների հետ: