Իսրայելի ՌՕՈւ–ն Սիրիայում ՀՕՊ մարտկոց է ոչնչացրել

Իսրայելի ՌՕՈւ–ն Սիրիայում ՀՕՊ մարտկոց է ոչնչացրել՝ ի պատասխան Իսրայելի օդանավերի ուղղությամբ կրակահերթի։ Այս մասին հայտնում է «ՌԻԱ Նովոստի»–ն՝ վկայակոչելով բանակի մամուլի ծառայությունը։

«Իսրայելի ՌՕՈւ–ն գրոհել եւ ոչնչացրել են Սիրիայում՝ Դամասկոսից արեւելք գտնվող ՀՕՊ մարտկոցը։ Նույն մարտկոցը հրթիռ է արձակել Իսրայելի օդանավերի դեմ»,– ասված է հաղորդագրության մեջ։

Հաղորդվում է, որ կրակահերթի պահին իսրայելական օդանավերը Լիբանանի օդային տարածքում են եղել։ Իսրայելական կողմը զոհեր չունի։