Էրդողանը Վաշինգտոնին առաջարկել է փոխանակել Գյուլենին ամերիկացի պաստորի հետ

Թուրքիայի նախագահ Ռեջեփ Թայիփ Էրդողանն առաջարկել է Վաշինգտոնին փոխանակել ԱՄՆ-ում գտնվող իսլամական քարոզիչ Ֆեթուլահ Գյուլենին ամերիկացի պաստոր (բողոքական քահանա) Էնդրու Բրենսոնի հետ, ով թուրքական բանտում է։ Այս մասին հայտնում է Reuters գործակալությունը։

Բրենսոնն ու իր կինը ձերբակալվել էին անցած տարվա հոկտեմբերին՝ Թուրքիայի ազգային անվտանգությանը սպառնալիք ներկայացնելու կասկածանքով։ Ավելի ուշ Բրենսոնի կնոջն ազատ էին արձակել, իսկ նրան մեղադրել Ֆեթուլահ Գյուլենի շարժման հետ կապերի մեջ։

Էրդողանը կարծում է, որ քարոզիչ Գյուլենը մասնակից է 2016 թվականի հեղաշրջման փորձին։ Նա պահանջում է ԱՄՆ-ից Թուրքային հանձնել Գյուլենին, սակայն դեռևս ապարդյուն: