Համենեին՝ Թրամփին. Իրանը կպատասխանի միջուկային գործարքի հարցում «ցանկացած սխալ քայլի»

Իրանի հոգեւոր առաջնորդ այաթոլա Ալի Խամենեին հայտարարել է, որ Թեհրանը կպատասխանի 2015 թ-ին «վեցնյակի» հետ կնքած միջուկային գործարքի հարցում ցանկացած «սխալ քայլի»: Խոսքը Գործողությունների համատեղ համընդգրկուն ծրագրի համաձայնագրի մասին է:

Ինչպես հայտնում է Tasnim գործակալությունը, Խամենեին հայտարարել է, որ Իրանի ժողովուրդը վճռական է տրամադրված, եւ համաձայնագրի նկատմամց ցանկացած սխալ շարժում կամ ոտնձգություն անպատասխան չի մնա: «Այն կարժանանա Իսլամական Հանրապետության արձագանքին»,- ասել է Իրանի հոգեւոր առաջնորդը։

Փաստտացի այս կեպ Համենեին պատասխանել է ԱՄՆ նախագահ Դոնալդ Թրամփը սեպտեմեբերի 14-ին Թեհրանի հասցեին հնչեցրած «միջուկային գործարքի» խախտման մասին մեղադրանքներին:

Թրամփը շարունակում է հայտարարել, որ Իրանի շուրջ գործարքը վատագույն գործարքներից մեկն է, որը «ես երբեւէ տեսել եմ»: «Իրանը շարունակում է բավականին կոպտորեն խախտել համաձայնության ոգին։ Մենք մտադիր չենք հանդուրժել այն, ինչով նրանք զբաղվում են», - ասել էր նա: