Իրաքյան Քրդստանի անկախության հանրաքվեն կարող է քաղաքացիական պատերազմի հանգեցնել

Թուրքիայի արտգործնախարար Մևլութ Չավուշօղլուն անդրադարձել է Իրաքի հյուսիսի քրդական ինքնավար շրջանի իշխանությունների՝ անկախության հանրաքվե անցկացնելու որոշմանը: Չավուշօղուի խոսքով՝ հանրաքվեն կարող է քաղաքացիական պատերազմի հանգեցնել: Այս մասին հայտնում է Diken կայքը։

«Իրաքում այսքան խնդիրների առկայությամբ անկախության հանրաքվեի անցկացումը երկրում կվատթարացնի իրավիճակը՝ հասցնելով քաղաքացիական պատերազմի»,-ասել է նա:

Թուրքիան կտրականապես դեմ է հանդես գալիս այդ հանրաքվեի անցկացմանը: Հանրաքվեն ծրագրված է անցկացնել սեպտեմբերի 25-ին: