Գերմանիան սկսել է ռազմական տեխնիկան դուրս բերել Ինջիրլիք ավիաբազայից

Գերմանիան սկսել է ռազմական տեխնիկան դուրս բերել Թուրքիայի Ինջիրլիք ավիաբազայից, գրում է Der Spiegel-ը։ Ըստ պարբերականի՝ գերմանական ստորաբաժանումների դուրս բերումը սկսվել է հուլիսի 9-ին, կեսօրին մոտ։

Ինջիրլիքից բազան տեղափոխելու մասին որոշումը Գերմանիայի իշխանությունները կայացրել են այն բանից հետո, երբ Անկարան հրաժարվել է գերմանական խորհրդարանականներին թույլ տալ մտնել բազա։

Մոտ 260 գերմանացի զինծառայողներ են տեղակայված բազայում՝ Սիրիայում ԻՊ-ի դեմ միջազգային պայքարին աջակցելու համար։

Գերմանիայի կառավարությունը որոշել է զինվորականներին տեղափոխել Հորդանանի Ալ Ազրակ բազա։