Փորձագետ. Լայնածավալ պատերազմը Ղարաբաղում քիչ հավանական է

Ղարաբաղյան հակամարտությունն ու Կովկասն ընդհանրապես ռազմավարական առաջնահերթություն չեն Թրամփի վարչակազմի համար։ Նրանց համար ավելի կարևոր է ԻՊ–ի դեմ պայքարը։ Այդ մասին հայտարարել է Բեգիտ Սադաթ կենտրոնի փորձագետ Ալեքսանդր Մուրինսոնը։

Նրա խոսքով, Մոսկվան թույլ չի տա կարգավորել ղարաբաղյան հակամարտությունը, որից ստանում է քաղաքական և ֆինանսական դիվիդենտներ`հակամարտող երկու կողմերին զենք վաճառելով, փոխանցում է azeri.today–ը։

«Լայնածավալ պատերազմը Ղարաբաղում քիչ հավանական է` ՌԴ–ը կողմերին կստիպի գալ փոխզիջման, իսկ ԱՄՆ–ը զորք չի ուղարկելու կողմերին խաղաղություն պարտադրելու համար»,– հավելել է նա։