ՄԱԿ-ը մտադիր չէ աջակցել Իրաքի Քուրդիստանի անկախացման հանրաքվեին

ՄԱԿ-ը մտադիր չէ որեւէ ձեւով աջակցել Իրաքի Քուրդիստանի անկախության հանրաքվեին։ ՄԱԿ-ի՝ Իրաքին աջակցող առաքելության հայտարարության մեջ նշվում է, որ առաքելությունը «մտադիր չէ որեւէ ձեւով մասնակցել կամ կապ ունենալ հանրաքվեի հետ, որը կկայանա սեպտեմբերի 25-ին»։

Իրաքի Ինքնավար Քուրդիստանի իշխանություններն ավելի վաղ հայտարարել էին, որ անկախության հանրաքվեն կկայանա, անկախ Արեւմուտքի այն նախազգուշացնումներին, որ անկախության օգտին քվեարկությունը կարող է Բաղդադի հետ հակամարտություն սադրել այն ժամանակ, երբ ԻՊ-ի դեմ պայքարը դեռ ավարտված չէ։