Եվրոպայում ուժերի բալանսը փոխելու ՆԱՏՕ-ի փորձերն ապակայունացնում են իրադրությունը. Լավրով

Եվրոպայում գոյություն ունեցող ուժերի հավասարակշռութունը փոխելու ՆԱՏՕ-ի երկրների ջանքերը, ռազմական պոտենցիալի մեծացումը, ԱՄՆ-ի հակահրթիռային պաշտպանության համակարգերի ստեղծումը ապակայունացնում են իրադրությունը Եվրոպայում։ Այս մասին հայտարարել է ՌԴ ԱԳ նախարար Սերգեյ Լավրովը, հաղորդում է «ՌԻԱ Նովոստի»-ն։

«Մենք ստիպված ենք արձանագրել, որ Եվրոպայում ուժերի գոյություն ունեցող իրադրությունը փոխելու փորձերը, սառը պատերազմի ավարտից ի վեր դաշինքի պոտենցիալի աննախադեպ մեծացումը, ռազմա-մարզական ակտիվության ընդլայնումը, ինչպես նաեւ ամերիկյան ՀՀՊ համակարգերի ստեղծումը ապակայունացնում են իրադրությունը Եվրոպայում»,- ասել է Լավրովը՝ Բելառուսի ԱԳ նախարար Վլադիմիր Մաքեյի հետ հանդիպման մեկնարկին։

Լավրովի խոսքով՝ նման որոշումները «հակասում են ԵԱՀԿ եւ Ռուսաստան-ՆԱՏՕ գագաթնաժողովների որոշումներին՝ Եվրոատլանտյան տարածքում միասնականություն, անվտանգություն եւ կայունություն ստեղծելու մասին եւ ուղղակիորեն առնչվում են Ռուսաստանի ու Բելառուսի ազգային շահերին։