ԱՄՆ պետդեպը դադարեցրել է վիզաներ տրամադրել ամբողջ աշխարհում

ԱՄՆ պետդեպարտամենտն ամբողջ աշխարհում ժամանակավորապես դադարեցրել է իր դեսպանատների միջոցով վիզաների տրամադրումը, այդ մասին տեղեկացնում է Ինտերֆաքսը՝ հղում կատարելով պետդեպի տեղեկատվությանը:

Տեղի ունեցածը, նշում է լրատվական գործակակալությունը, պայմանավորված է տեխնիկական անսարքություններով:

ԱՄՆ-ի արտաքին քաղաքական գերատեսչությունը տարածած հաղորդագրությունում բացատրել է, որ անսարքության հնարավոր պատճառ կարող է լինել դեսպանատների ու հյուպատոսարանների տվյալների բազան պահող սարքավորման աշխատանքի խափանումը:

Չի բացառվում, որ հունիսի 9-ից հետո, նշում է tert.am-ը, դիմում ներկայացրած անձինք բախվեն փաստաթղթերի ձևակերպման հետ կապված ուշացումների խնդրին: