Սպիտակ տուն․ Սենատի լսումները ցույց են տվել, որ ՌԴ ու Թրամփի միջև կապի ապացույց չկա

Սենատում տեղի ունեցած լսումները ցույց են տվել, որ Դոնալդ Թրամփի նախընտրական քարոզչության ու Ռուսաստանի միջեւ կապի ապացույցներ չկան։ Սպիտակ տան ներկայացուցիչը Reuters-ին հայտնել է, որ լսումները նաեւ ապացուցել են, որ Թրամփը երբեք սպառնալիքի տակ չի դրել հետախուզության աղբյուրները։

«Լսումները հաստատում են այն, ինչի մասին մենք ասել ենք միշտ՝ չնայած հետաքննությանը, առայսօր չկան որեւէ ապացույցներ Ռուսաստանի ու Թրամփի միջեւ դավադրության մասին»,- ասել է Սպիտակ տան ներկայացուցիչը անանունության պայմանով։

Նա նաեւ նշել է, որ լսումները ցույց են տվել, որ Թրամփը «երբեք չի վտանգել հետախուզական տվյալների աղբյուրները»։