Լևոն Քոչարյան․ Փաշինյանի վերաբերմունքը Ռոբերտ Քոչարյանի նկատմամբ քաղաքական շարժառիթ ունի

ԱԺ «Հայաստան» խմբակցության պատգամավոր Լևոն Քոչարյանի գնահատմամբ՝ Նիկոլ Փաշինյանի վերաբերմունքը իր հոր՝ Ռոբերտ Քոչարյանի նկատմամբ քաղաքական դրդապատճառներ ունի և, իր կարծիքով, կապված է նաև Ադրբեջանի նախագահ Իլհամ Ալիևին հաճոյանալու ձգտման հետ։

Նա քաղաքական ենթատեքստ է տեսնում նաև Արցախի նախկին նախագահների շուրջ ստեղծված իրավիճակում։

«Արցախի նախագահներից երեքը գտնվում են Ադրբեջանի բանտում, իսկ մեկը՝ Հայաստանի։ Պատճառները տարբեր են, սակայն քաղաքական բնույթը միանշանակ է»,- ասել է Քոչարյանը։

Պատգամավորի խոսքով՝ Արցախի նախկին ղեկավարների շուրջ զարգացումները պետք է դիտարկել նաև տարածաշրջանում ընթացող քաղաքական գործընթացների համատեքստում։