Փյունիկում գործող ճամբարի խոհանոցի գործունեությունը կասեցվել է. ՍԱՏՄ

Սննդամթերքի անվտանգության տեսչական մարմնի ղեկավարի որոշմամբ՝ կասեցվել է Ամերիկայի հայ ավետարանչական ընկերակցության Հայաստանի մասնաճյուղին պատկանող ճամբարի խոհանոցի արտադրական գործունեությունը (Կոտայքի մարզ, գ․ Փյունիկ):

Այս մասին հայտնում են ՍԱՏՄ-ից:

Ստուգման ընթացքում պարզվել է, որ խախտվել են օրենսդրությամբ սահմանված սանիտարահիգիենիկ պահանջները, մասնավորապես՝ խոհանոցի պատերը չեն ունեցել հարթ մակերես, չեն պահվել նորոգ վիճակում, հնարավոր չի եղել դրանք հեշտորեն ախտահանել։

Խախտումների վերացման համար սահմանվել է ժամկետ: