Հակոբյան. 2016 թվականի ապրիլից մինչ օրս շատ բան է փոխվել

2016 թվականի ապրիլից մինչ օրս շատ բան է փոխվել. իրավիճակի գնահատումը, հակառակորդի գործողությունների բացահայտումը և դրան ուղղված կանխարգելիչ միջոցառումների իրականացումը։ Այս մասին Եռաբլուրում լրագրողների հետ ճեպազրույցում այսօր հայտարարեց ՀՀ Զինված ուժերի գլխավոր շտաբի պետ Մովսես Հակոբյանը:

«Ադրբեջանը 1988 թվականից սկսած երբևէ չի փորձել չհոխորտալ: Նրանց քաղաքական ղեկավարությունը միշտ սպառնում է Արցախին, Հայաստանի Հանրապետությանը, բայց ի պատիվ մեր ժողովրդի, շնորհիվ այն տղաների, ովքեր Եռաբլուրում են, երբևիցե դա հակառակորդին չի հաջողվել ու հետագայում էլ չի հաջողվի»,- ասաց նա։

Մովսես Հակոբյանը նշեց նաև, որ ցավ է զգում, որ անցած ապրիլին չկարողացանք կանխել և զոհեր ունեցանք, բայց այսօրվա սերունդը նաև կարողացավ ապացուցել, որ ինքն է տերն այս երկրի և առաքելությունը, որ պետք է կատարի մեր երկրի պաշտպանության համար, կատարեց պատվով: