Աբրահամ Գասպարյանը հայտարարեց քաղաքականություն մուտք գործելու մասին

«Գիտակցում եմ իմ վրա դրված պատասխանատվության ծանրությունը․ վաղվանից ներգրավվում եմ քաղաքական գործընթացներում», — հայտարարեց Աբրահամ Գասպարյանը։

Նա ընդգծեց, որ այսուհետ հեռուստաեթերում հանդես կգա միայն որպես հյուր․ «Այսօր ավարտում եմ իմ քաղաքագիտական, վերլուծական և հաղորդավարական գործունեությունը՝ անցնելով մի գործի, որն իր բնույթով բեկումնային է և բազմապատիկ ավելի կարևոր»։

Գասպարյանը նաև ներկայացրեց իր որոշման պատճառները․ «Եթե Նիկոլ Փաշինյանին հաջողվի ամրապնդվել 2026-ին, ապա նրա իշխանությունը կստանա վերարտադրվելու նոր հնարավորություն։ Իսկ եթե ժողովուրդը մոռանա այն, ինչ տեղի է ունեցել իր գլխին, ապա Նիկոլը և իր շրջապատը ընտրություններին կդիմեն ցանկացած քայլի։ Այս իշխանությանը հակադրելու տարբերակը պատերազմը չէ, ինչպես նրանք փորձում են ներկայացնել, այլ՝ արժանապատիվ խաղաղությունը և պետական կառավարման համակարգի վերականգնումը»։