ՔԿ-ն Դաշնակցության կարգախոսով շապիկը ներկայացնում է որպես ահաբեկչության ապացույց

Քննչական կոմիտեն հրապարակել է այն լուսանկարները, որոնք, ըստ գերատեսչության, ստացվել են դաշնակցականների տներում իրականացված խուզարկությունների արդյունքում։

ԱԺ «Հայաստան» խմբակցության պատգամավոր, ՀՅԴ Հայաստանի Գերագույն մարմնի անդամ Քրիստինե Վարդանյանը մեկնաբանել է հրապարակումը՝ ընդգծելով դրա բացարձակ աբսուրդային բնույթը։

 «Պատկերացնո՞ւմ եք, դաշնակցականի տանից գտել են շապիկ, որի վրա գրված է Դաշնակցության կարգախոսը՝ «Մահ կամ ազատություն», և այդ շապիկի նկարը հրապարակել են՝ իբր ահաբեկչության նախապատրաստման անհերքելի ապացույց», — գրել է պատգամավորը։

Քննադատներն այս քայլը գնահատում են որպես քաղաքական պատվերի շրջանակներում իրականացվող ճնշման հերթական դրսևորում։