Բյուջեի հարկային եկամուտները ծրագրվածի նկատմամբ գերակատարվել են 6.5 մլրդ դրամով. Փաշինյան

2025 թ. 1-ին կիսամյակում պետական բյուջեի հարկային եկամուտներն ու տուրքերը ծրագրվածի նկատմամբ գերակատարվել են 6.5 մլրդ դրամով։ Այդ մասին Facebook–ի իր էջում գրել է ՀՀ վարչապետ Նիկոլ Փաշինյանը։

«Պետական բյուջե են մուտքագրվել 1 տրիլիոն 356 մլրդ հարկային եկամուտներ և պետական տուրքեր, որոնք նախորդ տարվա 1-ին կիսամյակի համեմատ ավելի են 14․2 տոկոսով կամ 168.4 միլիարդ դրամով։

Շնորհակալություն եմ հայտնում աշխատող, արդյունք ստեղծող, օրենքով սահմանված իրենց հարկային պարտավորությունները կատարող բոլոր քաղաքացիներին և այն պետական ծառայողներին, որոնց աշխատանքը նպաստում է պետական բյուջեի հարկային եկամուտների աճին»,- նշված է գրառման մեջ։