Արմեն Աբազյանը երկար սպասված հանգստի է ուղարկվում. Փաշինյան

Վարչապետ Նիկոլ Փաշինյանի խոսքով՝ Արմեն Աբազյանը իր պաշտոնավարման շրջանում ամենաերկարն է ղեկավարել Ազգային անվտանգության ծառայությունը և աշխատել է ամենաբարդ ժամանակահատվածում՝ 2020-ի նոյեմբերից սկսած։ Խորհրդարանում ճեպազրույցի ժամանակ վարչապետը նշեց, որ Աբազյանի պաշտոնավարման ամբողջ ընթացքը եղել է լարված և դժվար։

«Կարծում եմ՝ նա լիովին արժանի է որոշ ժամանակ հանգստանալու։ Հինգ տարի նման ճնշման ներքո ԱԱԾ տնօրենի աշխատանքը հեշտ չէ»,– ընդգծեց Փաշինյանը։

Պատասխանելով հարցին՝ արդյոք Աբազյանի պաշտոնանկությունը կապված է գործարար Սամվել Կարապետյանի տան դիմաց ԱԱԾ գործողությունների կամ հոգևորականներին վերաբերող գրառումների հետ, Փաշինյանը չտվեց հստակ հաստատում։

Հիշեցնենք, որ այսօր ՀՀ վարչապետը ստորագրել է որոշում՝ Արմեն Աբազյանին ազատելու վերաբերյալ։