Տրանսպորտային միջանցքի ստեղծումը կնվազեցնի լարվածությունը Իրանի, Ադրբեջանի ու ՀՀ միջև

Ռուսաստանի արտաքին առևտրում Իրանին բաժին է ընկնում մոտ 1%, սակայն իրանական շուկան շատ կարևոր է ՌԴ–ի համար, քանի որ այդտեղ է արտահանվում ոչ թե հումք, այլ արդյունաբերական ապրանքներ։ Այդ մասին հայտարարել է ՌԴ ԳԱԱ Արևելագիտության ինստիտուտի Իրանի բաժնի ղեկավար Նինա Մամեդովան։

Նա նշել է, որ Հասան Ռուհանիի Մոսկվա այցի ընթացքում կարող է ստորագրվել Իրանի ու ԵԱՏՄ–ի միջև ազատ առևտրի մասին պայմանագիր։ Ըստ նրա, այդ պայմանագիրը ստորագրումը շատ կարևոր է ՌԴ–ի ու Իրանի համար, փոխանցում է ridus.ru կայքը։

Մամեդովայի խոսքով, ազատ առևտրի գոտու ստեղծումը ԵԱՏՄ–ի ու Իրանի միջև և Կովկասում տրանսպորտային միջանցքի ստեղծում կկայունացնի քաղաքական իրավիճակը տարածաշրջանում, ինչպես նաև կնվազեցնի լարվածությունը Իրանի, Ադրբեջանի ու ՀՀ–ի միջև։

ՌԴ–ում Իրանի դեսպան Մեհդի Սանաինը հայտարարել է, որ երկկողմ տնտեսական հարաբերություններում աճ է արձագագրվել։ Նախորդ տարվա ընթացքում Մոսկվայի ու Թեհրանի միջև ապանքաշրջանառությունը ավելացել է 80%–ով, փոխանցում է vestifinance.ru կայքը։

Նա հավելել է, որ մոտակա երեք տարվա ընթացքում ապրանքաշրջանառությունը պետք է հասցնել $10 միլիարդի։