Տրանսպորտի նախարարություն. Վերին Լարսի այլընտրանքն ոչ միայն Աբխազիան ու Հարավային Օսիան է

ՀՀ տրանսպորտի նախարար Վահան Մարտիրոսյանը հայտարարել է, որ վարչապետ Կարեն Կարապետյանի վերջերս Թբիլիսի կատարած այցի ընթացքում համալիր պայմանավորվածություններ են ձեռք բերվել, որոնք ընդգրկում են երկկողմ առևտրա–տնտեսական կապերի ողջ սպեկտրը։

Բանակցությունների ընթացքում ակտուալ թեմանեից են եղել Վրաստանի տարածքով հայկական ապրանքների տարանցման հետ կապված խնդիրները, մասնավորապես Վերին Լարսի այլընտրանք գտնելը։

ՌԴ–ը ՀՀ–ի հետ կապող այդ ճանապարհն եղանակային պայմանների պատճառով շատ հաճախ փակվում է։

Սակայն նախարարը չի մանրամասնել վրացական կողմի հետ քննարկման մանրամասները`կապված այլընտրանքային ուղիների գետ։ Բացի այդ, նա հերքել է այն լուրերը, թե Կարեն Կարապետյանը թբիլիսյան իշխանությունների հետ քննարկել է Աբխազիայի տարածքով երկաթգծի վերագործարկման հարցը։
Մարտիրոսյանի խոսքով, Վերին Լարսի այլընտրանքը ոչ միայն ուղին է Աբխազիայի ու Հարավային Օսիայի տարածքով, այլ նաև լաստանավային հաղորդակցությունը Փոթիով։

VERELQ–ի թղթակցի այն դիտարկմանը, թե Փոթիով լաստանավային փոխադրում մինչ այդ էլ եղել է, Մարտիրոսյանը նշել է, որ ի տարբերություն նախորդ տարիներ, այսուհետ հայկական ապրանքների տարանցման գործընթացները դյուրացվելու են և վրացական ընկերություններն իրենց կառավարության աջակցությամբ հայկական տնտեսվարողների համար ապրանքների փոխադրման հարցում զեղչեր են սահմանել։

Անդրադառնալով այն հարցին, թե ինչպես ՀՀ–ի վրա կանդրադառնա Պրահայում Կարասին–Աբաշիձե բանակցությունների արդյունքները Մարտիրոսյանը նշել է, որ դա առաջին հերթին երկու պետությունների գործն է։ Սակայն եթե պայմանավորվածություններ ձեռք բերվեն, ապա դա լրացուցիչ օգուտներ կբերի ՀՀ–ի ուղիների դիվերսիֆիկացիայի առումով։