Փաշինյանը Ֆրանսիայում կմասնակցի Արհեստական բանականության գործողությունների գագաթնաժողովին

Վարչապետ Նիկոլ Փաշինյանը փետրվարի 10-11-ն աշխատանքային այցով մեկնել է Ֆրանսիա:

Ինչպես հայտնում են ՀՀ վարչապետի գրասենյակից, Փաշինյանը կմասնակցի Արհեստական բանականության գործողությունների գագաթնաժողովին:

Նախատեսված է ՀՀ վարչապետի հանդիպումը Ֆրանսիայի նախագահ Էմանուել Մակրոնի հետ:

Փետրվարի 10-11-ին Փարիզում անցկացվող գագաթնաժողովը հաջորդում է Լոնդոնում 2023-ին և Սինգապուրում 2024-ին կայացած համանման միջոցառումներին։ Ինչպես նշում են վերլուծաբանները, այս գագաթնաժողովը Ֆրանսիայի պատասխանն է ԱՄՆ նախագահ Դոնալդ Թրամփի հայտարարած Stargate նախագծին՝ 500 մլրդ դոլար բյուջեով։

Միջոցառմանը մասնակցում է ավելի քան 100 երկրից շուրջ 1000 մասնակից՝ համաշխարհային առաջնորդներ, տեխնոլոգիական ոլորտի հսկաներ և գիտնականներ։

Հատկանշական է, որ գագաթնաժողովի նախօրեին Մակրոնը հայտարարել է, որ Ֆրանսիան կներդնի 109 մլրդ եվրո ԱԲ նախագծերում։