Փաշինյան-Թրամփ հանդիպում նախատեսված չէ

Հայաստանի վարչապետ Նիկոլ Փաշինյանի կողմից ԱՄՆ կատարելիք առաջիկա այցի շրջանակում նախատեսված չէ հանդիպում ԱՄՆ նորընտիր նախագահ Դոնալդ Թարմփի հետ։

«ԱՄՆ նախագահի հետ հանդիպում նախատեսված չէ, այս պահին ծրագրում նման կետ չունենք, բայց սա շատ կարևոր այց է»,- ասուլիսի ժամանակ հայտարարեց Փաշինյանը։

Հիշեցնենք, փետրվարի սկզբին Վաշինգտոնում Նիկոլ Փաշինյանը կմասնակցի 5-րդ ամենամյա Միջազգային կրոնական ազատության գագաթնաժողովին, ինչպես նաև «Ազգային աղոթքի նախաճաշին» , նախատեսված է նաև նրա ելույթը:

Նրա խոսքով, խորհրդակցել է գործընկերների հետ և եկել այն եզրակացության, որ պետք է անպայման գնալ և մասնակցել: Ասաց նա, որ այլ միջոցառումների մասնակցության հրավերներ ևս կան և այժմ քննարկվում է դրանց մասնակցության հնարավորությունը։