«Յոլյան» կենտրոնում ներդրվել է մանկական պալիատիվ շարժական բուժօգնության ծրագիրը

«Յոլյան» արյունաբանության և ուռուցքաբանության ազգային կենտրոնում ներդրվել է մանկական պալիատիվ շարժական բուժօգնության ծրագիրը: Այս մասին հայտնում են Առողջապահության նախարարությունից:

Պետական պատվերով գործող փորձարարական ծրագրի շրջանակներում Երևանում և 4 մարզում` մայրաքաղաքից 30 կմ հեռավորության վրա գտնվող համայնքներում հաշվառված և բնակվող երեխաներին, ծրագրով սահմանված չափանիշների համաձայն, պալիատիվ բուժօգնությունը կարող է տրամադրվել նաև տնային պայմաններում: