ԱՄՆ–ն ցանկանում է ուղիղ հակամարտության դրդել Թուրքիային ու Իրանին

322
Հայտնի սիրիացի դիսիդենտ, Սիրիական դեմոկրատական ճակատի առաջնորդ Մաիս Կրաիդին հայտարարել է, որ Վաշինգտոնին անհանգստացնում են Թեհրանի ու Մոսկվայի քաղաքական ջանքերը Սիրիայում հակամարտության կարգավորման ուղղությամբ։ Նա նշել է, որ ԱՄՆ–ը ցանկանում է ուղիղ հակամարտության դրդել Թուրքիային ու Իրանին, փոխանցում է Fars News–ը։

Թուրքիայի իշխանություններին բարդ կլինի լավ հարաբերություններ պահպանել ՌԴ–ի հետ և մյուս կողմից իրականացնել հակաիրանական քաղաքականություն, փոխանցում է Hurriyet Daily News–ը։

Թուրքիայի նախագահ Ռեջեփ Թայիփ Էրդողանի այցը Սաուդյան Արաբիա, Բահրեյն ու Քաթար կարելի է դիտարկել Իրանի դեմ հին դաշինքին միանալու քաղաքականության ենթատեքստում։

Իրանի դեմ ձևավորվում է մերձավորարևելյան երկրներից բաղկացած միասնական դաշինք, որը պնդում է Թեհրանի «ապակայունացնող դերի» վրա տարածաշրջանում:

Այդ կոալիցիայի մեջ են մտնում Իրանի հիմնական աշխարհաքաղաքական հակառակորդներ`Իսրայելն ու Սաուդյան Արաբիան։ Սակայն Թեհրանին պետք է մտահոգի այն հանգամանքը, որ այդ կոալիցիային ցանկանում է անդամակցել նաև Թուրքիան։ Վերջերս Թուրքիան իր շիական հարևանի դեմ սկսել է կտրուկ հայտարարություններով հանդես գալ, ինչից մինչ այդ խուսափում էր, փոխանցում է EADaily-ն:

Թուքրիայի ԱԳ նախարար Մևլութ Չավուշօլուն Մյունխենում հայտարարել է, որ Իրանը «ապակայունացնող» դերակատարում ունի աշխարհի տարբեր անկյուններում, որի տակ հաճախ հասկանում են `Սաուդյան Արաբիան, Լիբանանը, Իսրայելը, Սիրիան,Իրաքը, Եմենը։ Իրանին զսպելու ամերիկա–իսրայելական կոնսենսուսին զուգահեռ, Թուրքիան սկսել է բանակցություններ վարել Սաուդյան Արաբիայի իշխանությունների հետ։

Էրդողանը մերձավորարևելյան շրջագայության ընթացքում այցելել է նաև Էռ–Ռիյադ։ Կոնսենսուս է ձեռք բերվում հակաիրանական հենքի վրա։ Թեհրանը միշտ սիմետրիկ է պատասխանում այդպիսի մարտահրավերներին։ Առկա սպառնալիքները ստիպում են Իրանին խորացնել հարաբերությունները ՌԴ–ի հետ։ Այլ այլընտրանք Իրանը չունի`գոյություն չունի այլ գերտերություն, ով կզսպեր Թուրքիայի «տաք գլուխներին»։

Տպել

Թեմայի այլ նորություններ
Загрузка...