Հայաստանում ձյուն է սպասվում, կցրտի 2-3 աստիճանով

Հիդրոօդերևութաբանության և մոնիթորինգի կենտրոնի կանխատեսմամբ՝ Հայաստանում օդի ջերմաստիճանն աստիճանաբար կնվազի ևս 2-3 աստիճանով։ Առաջիկա օրերին Երևանում սպասվում է մինչև մինուս 9 աստիճան ցուրտ:

Դեկտեմբերի 16-ին, 17-ին, 18-ին և 19-ին հանրապետության առանձին շրջաններում, այդ թվում ՝ լեռներում, սպասվում են տեղումներ, այդ թվում ՝ ձյուն, ինչպես նաև բուք: Քամին ՝ հարավ-արևմտյան ՝ 3-8 մ/վ արագությամբ, դեկտեմբերի 15-17-ը քամու ուժգնացում ՝ 17-20 մ/վ արագությամբ, իսկ դեկտեմբերի 18-ին քամու ուժգնությունը կարող է հասնել 18-23 մ / վ-ի:

Արարատյան դաշտի ցածրադիր հատվածներում դեկտեմբերի 18-ին և 20-ին առավոտյան հնարավոր է մառախուղ:

Երևանում տեղումները կսկսվեն դեկտեմբերի 16-ի երեկոյան և կշարունակվեն 17-ի գիշերը, լեռներում ձյուն կտեղա: Դեկտեմբերի 18-ին սպասվում է ուժեղ քամի, իսկ այդ օրը և 20-ին հնարավոր է մառախուղ:

Երևանում դեկտեմբերի 16-ի ցերեկը օդի ջերմաստիճանը կկազմի զրոյից բարձր ընդամենը 1-3 աստիճան: Դեկտեմբերի 17-ին ջերմաստիճանը մի փոքր կբարձրանա մինչև 3-5 աստիճան, իսկ դեկտեմբերի 18-ին ջերմաչափի սյունը դեռ կբարձրանա 1 աստիճանով: Դեկտեմբերի 19-ին սպասվում է 5-7, 20–ին՝ 3-5 աստիճան տաքություն:

Դեկտեմբերի 17-20-ի գիշերը ջերմաստիճանը կլինի բավականին ցածր՝ մինուս 5-ից մինչև մինուս 9 աստիճան: