Հայաստանն ու Հոնկոնգը կնքում են կրկնակի հարկումը բացառող համաձայնագիր

Հայաստանի կառավարությունը հավանություն է տվել Չինաստանի Ժողովրդական Հանրապետության Հոնկոնգի հատուկ վարչական շրջանի հետ եկամուտների և գույքի կրկնակի հարկումը բացառելու և հարկումից խուսափելը կանխելու մասին համաձայնագրի վավերացմանը։ Փաստաթուղթը ստորագրվել է 2024 թվականի հունիսի 24-ին Երևանում։

Համաձայնագիրը փոխադարձության սկզբունքով սահմանում է պայմանավորվող կողմերի գործարար շրջանակների համար հիմնական եկամտատեսակների՝ շահաբաժինների, տոկոսների և ռոյալթիների հարկման պայմաններն ու դրույքաչափերը եկամուտների ստացման երկրում։

Վավերացման գործընթացն ավարտին հասցնելու համար կառավարությունը դիմելու է Հայաստանի Սահմանադրական դատարան՝ միջազգային պայմանագրում ամրագրված պարտավորությունների՝ ՀՀ Սահմանադրությանը համապատասխանությունը որոշելու նպատակով։