Չեմ հավակնում վարչապետի պաշտոնին. Բագրատ Սրբազան

Ես չեմ հավակնում ոչ մի բանի։ Ես միջոց, գործիք, հնարավորություն եմ փոփոխություն կատարելու համար, ով  հավակնում է՝ նա չգիտի, թե ինչ է ուզում այս կյանքում։ Կանադայի քաղաքացիությունից հրաժարվելը տասներորդական հարց է: Այս մասին լրագրողների հետ ճեպազրույցում հայտարարեց Բագրատ Սրբազանը՝ անդրադառնալով հարցին, թե ինչո՞ւ չի հրաժարվում Կանադայի քաղաքացիությունից:

"Չեմ հավակնում վարչապետի պաշտոնին",- նշեց նա:

Բագրատ Սրբազանը տեղեկացրեց, որ հանդիպումներ է ունենում քաղաքական ուժերի հետ, սակայն մանրամասներ չներկայացրեց:

Նա նաև ընդգծեց, որ սփյուռքում ապրող մեր հայրենակիցները պետք է լիակատար իրավունք ունենան մասնակցելու մեր երկրի կյանքին։