Սոնա Ղազարյանը մասնակցել է Բունդեսթագի Երիտասարդական տարածության Բեռլինի համաժողովին

ՀՀ ԱԺ «Քաղաքացիական պայմանագիր» խմբակցության պատգամավոր Սոնա Ղազարյանը մասնակցել է նոյեմբերի 13-16-ը Բեռլինում կայացած Գերմանիայի Բունդեսթագի Երիտասարդական տարածության համաժողովին (Y-SPACE):

Միջոցառմանը ելույթ է ունեցել Գերմանիայի դաշնային խորհրդարանի` Բունդեսթագի ղեկավար Բարբել Բասը: Համաժողովին մասնակցել են նաեւ ԵԽԽՎ-ում Գերմանիայի պատվիրակության անդամները եւ Եվրոպայում երիտասարդական կառույցների ներկայացուցիչները:

Սոնա Ղազարյանը մասնակցել է նաեւ «Ժողովրդավարության վերակենդանացումը երիտասարդների մասնակցությամբ» թեմայով պանելային քննարկմանը, որի շրջանակում պայմանավորվածություն է ձեռք բերվել շարունակել աշխատանքները եվրոպական երիտասարդական կառույցների հետ: