Կառավարությունը 1,26 մլրդ դրամ կհատկացնի 123 կմ ճանապարհների վերանորոգման համար

Կառավարությունը նոյեմբերի 15-ի նիստում հավանություն տվեց ընդհանուր շուրջ 123 կիլոմետր ճանապարհահատվածների միջին նորոգման համար 1 միլիարդ 260 միլիոն դրամ հատկացնելու մասին որոշման նախագծին։

Տարածքային կառավարման և ենթակառուցվածքների նախարար Գնել Սանոսյանի խոսքով ընթացիկ տարվա ճանապարհների վերանորոգման և հիմնանորոգման ծրագիրը ներառում է 14 ճանապարհային ուղղություն՝ ընդհանուր 500 կիլոմետր երկարությամբ։ Կատարված ուսումնասիրությունների արդյունքում որոշվել է միջին նորոգման աշխատանքներ իրականացնել ընդհանուր 123 կիլոմետր երկարությամբ հատվածներում։

Նախարարը նշեց որ վերանորոգման աշխատանքների համար միջոցների մի մասն արդեն հատկացվել է նախկինում իսկ ընթացիկ որոշումը նախատեսում է հերթական ֆինանսավորումը աշխատանքների շարունակման համար։ 123 կիլոմետրանոց հատվածում վերանորոգման աշխատանքների հիմնական մասն արդեն իրականացված է իսկ մի շարք ծրագրեր գտնվում են ավարտական փուլում։